Apple компанияси WWDC 2025 кўргазмасида эълон қилиши мумкин бўлган AirPods учун катта янгиланишни тайёрлаётганга ўхшайди. Хабарларга кўра, компания қулоқчинлар ёрдамида iPhone ёки iPadʼнинг камерасини бошқариш имконини берувчи функция устида ишламоқда. Фойдаланувчи AirPods оёқчасига тегиниш орқали суратга олиши мумкин.
Яна бир янгилик – қулоқчин эгаси уйқуга кетганда автоматик равишда мусиқа ёки подкастни тўхтата олиш имкониятидир. Бунинг учун аллақачон уйқуни кузатишни биладиган Apple Watch керак бўладими ёки йўқми, ҳозирча номаълум.
Apple, шунингдек, суҳбатни аниқлаш функциясининг имкониятларини кенгайтирадиган янги бош имо-ишорасини ҳам жорий қилиши мумкин. Суҳбат пайтида овоз баландлигини автоматик пасайтирадиган тизим қўшимча товуш созламаларини олиши мумкин.
Бундан ташқари, AirPods “студия сифатли” микрофон режимига эга бўлиши мумкин, у iPhone 16 нинг видеолардаги фон шовқинини тозалайдиган функцияси каби ишлаши кутилмоқда.
Яна бир яхшиланиш таълим муассасаларига тегишли: Apple AirPodsʼни талабалар фойдаланадиган жамоат iPadʼларига улашни соддалаштирмоқчи.
Бу каби барча тафсилотлар 9 июнь куни WWDC 2025 тақдимотида ошкор этилиши кутилмоқда.
Изоҳ (0)