Duoqin компанияси ўзининг энг кичик смартфони — Qin K25’ни намойиш этди. Қурилма 3,5 дюймли 960 × 640 пикселли IPS экранга эга — iPhone 4 ва 4S билан бир хил. Корпус ўлчамлари 95,5 × 59,4 × 11,5 мм, оғирлиги эса атиги 94 грамм.
Иш учун Mali-G52 МП2 графикали 12 нанометрли MediaTek Helio Г81 процессори масъул. Оператив хотира ҳажми 4 ГБни ташкил этади. Асосий камера 8 МП, олд камера 2 МП аниқлик даражасига эга. Аккумулятор сиғими 2 150 мА/соат, 10 Вт қувватли симли қувватлаш имконияти мавжуд.
Смартфон болалар учун мўлжалланган: ота-она назорати функциялари мавжуд, аммо хоҳиш бўлса, уларни бутунлай ўчириб қўйиш ҳам мумкин. Qin K25 кўк, қора ва пушти рангларда мавжуд. Хитой бозорида модел тахминан 113 долларга баҳоланди.
Изоҳ (0)