Болалар омбудсманининг хабарига кўра, Россия фуқароси бўлган аёл К.С.нинг қизи С.А. (2021 йилда Россияда туғилган) Ўзбекистон фуқароси бўлган отаси А.С. (1991 йилда туғилган эркак) томонидан 2024 йилнинг октябригача рухсат асосида олиб кетилган.
Шундай бўлса ҳам онанинг қаршилигига қарамай фарзанди ота томонидан бугунги кунга қадар Ўзбекистонда ушлаб қолинган. Ота эса аёл билан алоқага чиқмаган ва боланинг аҳволи ҳақида хабар бермаган.
Аёл болалар омбудсманидан отанинг яшаш манзили номаълум эканлигини билдириб, боланинг турган манзилини аниқлаб, она ва бола алоқасини тиклашда амалий ёрдам сўраган.
Ўрганиш натижасида ота А.С. 2024 йилнинг ўзида ишлаш мақсадида Санкт Петербургга кетгани, вояга етмаган қизи С.А. эса бувиси А.Г. (1964 йилда туғилган аёл) қарамоғига топширганини аниқлади. Улар шу кунга қадар Самарқандда истиқомат қилиб келаётган эди.
Кўрилган чоралар натижасида боланинг бувиси А.Г. ўз хоҳишига кўра невараси С.А.ни онасига топширди. Қизалоқ онаси К.С. ҳамроҳлигида Россияга қайтди.
Изоҳ (0)