Ижтимоий тармоқларда гўдак болани автомашинани юкхонасига солиниши акс этган видеохабар тарқалди. Ҳолат юзасидан Болалар омбудсмани изоҳ берди.
Маълум қилинишича, Болалар омбудсмани ИИВга сўрови асосида ЙҲХХ ходимлари томонидан болага нисбатан ноқонуний ҳаракатлар содир этган шахс тез фурсатда аниқланди.
Маълум бўлишича, Фарғона шаҳар, “Ёрмазор” МФЙда истиқомат қилувчи фуқаро А.О. (1980 йилда туғилган эркак) бир йил аввал, 2024 йил ёз ойларида опасининг фарзанди И.М. (2023 йилда туғилган ўғил бола)ни гўёки ҳазил қилиб машина юкхонасига ўтказиб, устидан юкхонани ёпгани акс этган видео олган ва ижтимоий тармоққа жойлаган.
Ушбу ҳолат юзасидан ҳозирда терговга қадар текширув ҳаракатлари олиб борилмоқда. А.О.га тегишли бўлган автомашина ҳозирда Фарғона шаҳар ИИБга жойлаштирилди.
“Болага нисбатан мазкур зўравонлик ҳолатини ўрганиш юзасидан қўшимча маълумот берилиши қўшимча қилинган. Болалар омбудсмани қатъий таъкидлайдики, бу каби ўйловсиз, масъулиятсиз ҳаракатлар оқибатида боланинг жисмоний ва руҳий соғлиғига жиддий зарар етади.
Бола кимнингдир беъмани ҳазиллари ёки ижтимоий тармоқда рейтинг тўплаш воситаси эмас!”, дейилади хабарда.
Изоҳ (0)