Bolalar ombudsmanining xabariga ko‘ra, Rossiya fuqarosi bo‘lgan ayol K.S.ning qizi S.A. (2021-yilda Rossiyada tug‘ilgan) O‘zbekiston fuqarosi bo‘lgan otasi A.S. (1991-yilda tug‘ilgan erkak) tomonidan 2024-yilning oktyabrigacha ruxsat asosida olib ketilgan.
Shunday bo‘lsa ham onaning qarshiligiga qaramay farzandi ota tomonidan bugungi kunga qadar O‘zbekistonda ushlab qolingan. Ota esa ayol bilan aloqaga chiqmagan va bolaning ahvoli haqida xabar bermagan.
Ayol bolalar ombudsmanidan otaning yashash manzili noma’lum ekanligini bildirib, bolaning turgan manzilini aniqlab, ona va bola aloqasini tiklashda amaliy yordam so‘ragan.
O‘rganish natijasida ota A.S. 2024-yilning o‘zida ishlash maqsadida Sankt Peterburgga ketgani, voyaga yetmagan qizi S.A. esa buvisi A.G. (1964-yilda tug‘ilgan ayol) qaramog‘iga topshirganini aniqladi. Ular shu kunga qadar Samarqandda istiqomat qilib kelayotgan edi.
Ko‘rilgan choralar natijasida bolaning buvisi A.G. o‘z xohishiga ko‘ra nevarasi S.A.ni onasiga topshirdi. Qizaloq onasi K.S. hamrohligida Rossiyaga qaytdi.
Izoh (0)