Ижтимоий тармоқларда "Боғчада бола калтакланиши оқибатида оёғи синди" сарлавҳаси остида видео тарқалди. Мазкур ҳолат Болалар омбудсмани томонидан назоратга олинди.
Аниқланишича, жорий йилнинг 22 январь куни Тошкент шаҳар Сергели туманида жойлашган мактабгача таълим муасасасининг тарбиячи ёрдамчиси Й.М (1997 йилда туғилган, аёл) гўёки хархаша қилаётган болани тинчлантириш мақсадида С.А ни (2023 йилда туғилган ўғил бола) бошига уриб, сўнг қўпол ҳаракатда уни кўтариб бошқа хонага олиб чиқаётганда қоқилиб йиқилган, натижада боланинг чап оёғи синган.
Боланинг ота-онасига боғча маъмурияти томонидан ўғли ўзи йиқилиб оёғи синганлиги ва Сергели туман тиббиёт бирлашмасига олиб келинганлиги тўғрисида хабар берилган. Болага "чап оёқ сон суюги синганлиги" ташхиси қўйилган.
Шундан сўнг ота-она боғча маъмуриятидан кузатув камералар ёзувларини кўрсатишни талаб қилган.
Ҳозирда Сергели тумани ИИБ ФМБ томонидан терговга қадар текширув олиб борилмоқда.
Изоҳ (0)