Digital Chat Stationʼнинг хабар беришича, Apple iPhone 18 Про ва Pro Max моделлари экранларидаги барча деталардан бутунлай воз кечмоқчи. Эндиликда янги смартфонлар экрани бутунлай “тоза” кўринишда бўлади.
Компания Face ID тизими ва олд камерани экран остига яширади. Дйнамиc Исланд функцияси ҳам олиб ташланади.
Янги моделлар 6,27 ва 6,86 дюймли OLED экранларга эга бўлади. Ҳар иккала панел LTPO технологиясини қўллаб-қувватлайди ва 1,5К аниқликда бўлади.
HIAA (Hole-in-Active-Area) технологиясининг жорий этилиши ҳам Apple учун янгилик бўлади. Ушбу технология экран остидаги датчикларга ёруғлик ўтишини таъминлайдиган “шаффоф” майдонлар яратади. Бундай тизим илгари Samsung ва ZTE томонидан синаб кўрилган.
Face ID тизими нуқталар проектори, IK-камера ва ёритгич каби мураккаб инфрақизил механизмлардан иборат бўлади. Стандарт экран ости технологиялари инфрақизил нурлар билан яхши ишламайди, шунинг учун Apple муҳандислари бу борада жиддий техник тўсиқларни енгиб ўтишга ҳаракат қилмоқда.
Дйнамиc Исландъдан воз кечиш ғояси iPhone 15 моделини ишлаб чиқиш босқичидаёқ муҳокама қилинган, бироқ ҳозиргача смартфоннинг фақат ўлчамини кичрайтиришга эришилган. 2026 йилда тақдим этилиши кутилаётган iPhone 18 сериясида эса ушбу мақсад тўлиқ амалга ошиши мумкин.
Изоҳ (0)