Ҳаммаси нотаниш рақамдан келган оддий қўнғироқдан бошланади. Ишонч билан гап бошлашади, ўзларини банк ёки хавфсизлик хизмати ходими деб таништиришади, ҳатто овозларини “расмийроқ” оҳангга ўзгартиришади.
Буларнинг барчаси — сизнинг шахсий маълумотларингизни қўлга киритиш учун. Бундай пайтда босим ва таҳдид остида саросимага тушиш осон. Айниқса, чарчаган, чалғиган ёки бундай ҳолатни умуман кутмаган бўлсангиз. Фирибгарлар эса айнан шуни кутишади.
TBC Bank огоҳлантириш билан кифояланмай, ишга киришди ва зарбага қарши зарба бера оладиган Баҳодир Жалоловни ҳамкорликка таклиф қилди. Биргаликда “Молиявий ҳимояланиш академияси”ни йўлга қўйишди. Бу — “биринчи қадам, иккинчи қадам” деган зерикарли қоидалар эмас.
Бу ҳаётий воқеалар, аниқ тавсиялар ва амалий қадамлар асосида тузилган оддий ва тушунарли амалиёт. Айнан шу ёндашув сизга ҳам, яқинларингизга ҳам хотиржамликни сақлашга ва фирибгарларга алданиб қолмасликка ёрдам беради.
Баҳодир иштирокидаги манифест ролик — ҳамкорликнинг асосий қисми бўлиб, унда фирибгарликка қарши курашда, худди боксдагидек, фақат ҳимоя эмас, балки аниқ, ишончли ва ўз вақтида берилган зарба ҳам муҳим экани кўрсатилган. Бу зарба эса — билим. Айнан билим сизга ўша энг муҳим лаҳзада «Тўхта. Менга бу ўтмайди» дея олиш учун хотиржамлик ва ички ишонч беради.
Ёдда тутинг: ҳеч бир банк сиздан SMS код, парол ёки шахсий маълумотларни сўрамайди. Агар сўрашса — бу тузоқ.
Ҳақиқий ҳимоя қандай ишлашини тушунмоқчимисиз? Сайтга ўтинг. Ҳаммаси оддий ва фойдали тарзда тушунтирилган.
Реклама ҳуқуқи асосида
Изоҳ (0)