“Америка овози”нинг 639 нафар журналистлари президент Дональд Трамп маъмурияти томонидан ишдан бўшатилди. Бу ҳақда BBC хабар берди.
Маъмуриятнинг таъкидлашича, бу ҳаракатга агентликнинг “дисфункция, тарафкашлик ва исрофгарчилик билан тўлиб-тошгани” сабаб бўлган. Нашр иккинчи жаҳон уруши даврида нацистлар ташвиқотига қарши ташкил этилган эди.
Агентликнинг бош миллий мухбири Стив Херман бу ҳаракатни “ўз-ўзини саботаж қилишнинг тарихий ҳаракати” деб атади. Ишдан бўшатилганлар орасида маъмурий таътилда бўлган, аммо ўтган ҳафта Исроил Эронга ҳужум қилганидан кейин ишга чақирилган форс тилида сўзлашувчи мухбирлар бор эди.
Associated Press агентлиги маълумотларига кўра, форс мухбирлари 20 июнь куни сигарет чекиш учун офисдан чиққан. Ишдан бўшатиш тўғрисидаги эълон бўлганидан кейин эса уларнинг бинога қайта киришига рухсат берилмаган.
“Бугун биз назоратдан ташқаридаги федерал бюрократияни қисқартириш бўйича президент Трампнинг кун тартибини амалга ошириш учун қатъий чоралар кўрдик”, деди президент агентлик раҳбари этиб тайинлаган Кари Лейк.
Умуман олганда, март ойидан бери агентлик ходимларининг 85 фоиздан ортиғи — 1 400 га яқин ходим ишсиз қолган.
Изоҳ (0)