Сурхондарё вилояти Термиз шаҳрида 11-синф ўқувчиси йўл-транспорт ҳодисаси оқибатида вафот этди. Бу ҳақда ЙҲХХ хабар берди.
Унга кўра, ҳодиса 6 июнь куни соат 01:30 ларда “Боғишамол” маҳалласи ҳудудида содир бўлган. Damas ҳайдовчиси чорраҳадан чапга қайрилмоқчи бўлган вақтда қарама-қарши томондан ҳаракатланиб келаётган 17 ёшли йигит бошқарувидаги скутер билан тўқнашган.
Ҳодиса оқибатида скутер ҳайдовчиси сон суяги синиши, бош мия ёпиқ жароҳатлари билан Термиз шаҳри тез тиббий ёрдам бўлимида вафот этган.
25 май куни Наманганда Nexia-3 ЙТҲга учраб, ҳайдовчиси билан бирга ёниб кетганди. Фарғонада Nexia ҳайдовчиси босиб кетган велосипеддаги 12 ёшли бола вафот этди. Ҳайдовчи уч йил муддатга барча турдаги транспорт воситаларини бошқариш ҳуқуқидан маҳрум қилиниб, 5 йилга озодликдан маҳрум этилди. 10 майда Тошкент вилояти Бекобод туманида Damas “пешеход”дан ўтаётган пиёдани босиб кетди.
8 июнь куни Тошкентда мотоцикл ва скутер ўртасида содир бўлган йўл-транспорт ҳодисасида икки нафар ҳайдовчи вафот этган.
Изоҳ (0)