Қамчиқ довонида 24 май куни соат 10:15 ларда Hоwо русумли юк автомашинаси ҳайдовчиси бошқарувни йўқотиши оқибатида йўлнинг хандақ (кювет) қисмига тушиб кетди. Бу ҳақда ФВВ матбуот хизмати хабар берди.
Маълум қилинишича, қутқарувчилар томонидан махсус техника ва асбоб-анжомлар ёрдамида юк автомашинаси хандақдан олиб чиқилган.
Ҳодиса оқибатида тан жароҳати олганлар йўқ.
Шунингдек, 25 май куни Қамчиқ довонида Gentra ҳайдовчиси бошқарувни йўқотиши оқибатида хандаққа тушиб кетди.
Қутқарувчилар томонидан автомобиль хандақдан олиб чиқилди. Автомобильда ҳайдовчи ва 2 нафар йўловчи бўлган. Ҳодиса оқибатида тан-жароҳати олганлар йўқ.
Чирчиқ шаҳрида ҳайдовчининг эҳтиётсизлиги оқибатида Spark каналга тушиб кетгани ҳақида хабар берилган эди. Шунингдек, Фарғона вилояти Тошлоқ туманида яшовчи фуқаро бошқарувида бўлган Damas эҳтиётсизлик оқибатида Фарғона каналига тушиб кетгани хабар қилинган.
Изоҳ (0)