Фарғона вилоятининг Бувайда туманида Nexia-2 ва электроскутер тўқнашиши оқибатида вояга етмаган йўловчи ҳалок бўлди, деб хабар бермоқда вилоят ИИБ матбуот хизмати.
Маълум қилинишича, 1 май куни Қ.А. Nexia-2’ни «Ўртақўнғирот» қишлоғи ҳудудида бошқариб кетаётиб, қарама-қарши йўналишда ҳаракатланиб келаётган электроскутер билан тўқнашган.
Оқибатда скутер йўловчилари — вояга етмаган Н.Р. тан жароҳати олиб, ҳодиса жойида вафот этган, Ғ.А. эса тан жароҳати олиб, шифохонага ётқизилган
Ҳолат юзасидан Бувайда тумани ИИБ ҳузуридаги тергов бўлинмаси томонидан Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш одам ўлимига сабаб бўлиши) билан жиноят иши қўзғатилиб, тергов ҳаракатлари давом этмоқда.
Аввалроқ Чинозда Damas ЙПХ инспекторининг радар ўрнатилган Nexia’сига бориб урилгани, Тошкентда Captiva Nexia ва «Москвич»га бориб урилиши оқибатида бир киши ҳалок бўлди, яна тўрт нафари жароҳатлангани, Деҳқонободда бошқарувни йўқотган Cobalt ҳайдовчиси «Жигули»га урилди. «Жигули» ҳайдовчиси воқеа жойида вафот этгани ҳақида хабар берилган эди.
Изоҳ (0)