Футбол бўйича Жаҳон Чемпионати 3-саралаш босқичи доирасидаги БАА – Ўзбекистон ўйинидан аввал матбуот анжумани ўтказилди.
Анжуманнинг иккинчи қисмида Тимур Кападзе ҳамда Жалолиддин Машарипов иштирок этди.
Кападзе эртага жамоани муҳим ва қизиқарли учрашув кутиб турганини айтди.
Машарипов эса бир оз ҳаяжон борлиги, чунки ҳеч қачон бундай босқич ва даврда бўлмаганини билдирди.
36 миллионлик халқимиз биздан ижобий натижани кутмоқда. Биз халқимиз учун катта байрам қилиб беришни режа қилганмиз. Биз ЖЧга лойиқ эканлигинимизни кўрсатиш вақти келди. Бизга осон бўлмайди, лекин ҳеч нарса тўсқинлик қилмайди деб ўйлайман. Эртага ўзбекистонлик мухлисларни хурсанд қилишга уринамиз, дейди вингер.
Кападзе рақиб ҳақида қанчалик тушунчага эга эканлигини, БААдан қандай ўйин кутаётгани хусусида гапирди.
Албатта, ўрганиб чиқдик. Ҳар тарафлама яхши тайёргарлик кўрдик. Тўғри, уларда мураббий янги. Бироқ бугун пайдо бўлиб қолмаган. Уларни ўрганишга ҳаракат қилдик. Асосийси, ўз ўйинимиз ҳақида ўйлашимиз ва яхши ўйин кўрсатишимиз лозим, деди Кападзе.
Темур Кападзе, шу билан бирга, собиқ мураббий Катанец билан алоқадалиги ҳақида ҳам айтиб ўтди.
Албатта, бу даврга етиб келиш учун футболчилар астойдил меҳнат қилишди. Бизни иккита муҳим ўйин кутиб турибди. Ҳаммаси ўз қўлимизда. Эртага ғалаба қозониб, кейинги ўйинга тайёрланишимиз керак. Сречко Катанецнинг соғлиғи жойида. Унинг ёрдамчилари эса бугунги кунда менинг штабимда фаолият юритмоқда, дейди мутахассис.
Изоҳ (0)