Жаҳон чемпионати саралаши доирасидаги БАА — Ўзбекистон учрашуви учун чипталар сотуви бошланди. Бу ҳақда Алишер Никимбаев хабар берди.
Унга кўра, Бирлашган Араб Амирлигининг Абу-Даби шаҳрида ўтказиладиган беллашув учун чипталар Тиcкетмастер.аэ сайти орқали сотилмоқда.
Темур Кападзе жамоаси 8-турдан кейин 17 очко билан А гуруҳида 2-ўринни эгаллаб турибди. “Оқ бўрилар”нинг асосий рақобатчиси бўлган амирликлар билан баҳс кўп нарсага аниқлик киритади. Яъни Ўзбекистон мазкур баҳсда дуранг натижа қайд этса ҳам мундиал йўлланмасига эга чиқди. БАА 13 очко билан 3-поғонани банд этган. Гуруҳ етакчи Эрон эса аллақачон Жаҳон чемпионати йўлланмасини қўлга киритган.
Маълумот учун, БАА — Ўзбекистон 5 июнь куни Абу-Дабидаги “Ал-Наҳян” стадионида бўлиб ўтади. Учрашув Тошкент вақти билан 21:00 да бошланади.
Аввалроқ ИИББ мазкур баҳс олдидан айрим туристик компаниялар “ўйин чиптаси кафолатланган” тур пакетлар таклиф этилаётгани сабаб мухлисларни огоҳликка чақирган эди.
Изоҳ (0)