Бирлашган Араб Амирликлари терма жамоаси Жаҳон чемпионати саралаши доирасидаги сўнгги икки баҳс учун қайдномасини эълон қилди.
Амирликлар жамоаси 5 июнь куни Абу-Дабида Ўзбекистонга қарши майдонга тушса, 10 июнь куни Қирғистонга сафар уюштиради. БАА бош мураббийи Космин Олариу ушбу муҳим баҳслар олдидан терма жамоадан чақирув олган футболчилар рўйхатини эълон қилди.
Унга кўра, июнь ойидаги йиғинга 27 нафар футболчи жалб қилинган:
БАА таркиби: Ҳолид Эйса, Ҳамад Алмеқебали, Али Хасиф, Лукас Пимента, Куаме Куадио, Ҳалифа Ал Ҳаммади, Ала Жир, Саша Ивкович, Ҳалид Ал Данхани, Маркус Мелони, Абдулраҳмон Солиҳ, Бадер Носир, Яҳё Нодир, Абдулла Ramadaн, Яҳё Ал Гассани, Хариб Абдуллоҳ, Фабио Де Лима, Абдулла Ҳамид, Муҳаммад Абдулбосит, Али Солиҳ, Мажид Ҳассан, Луан Перейра, Бруно Де Оливейра, Каё Лукас, Султон Адел, Жуниор Ндиае, Каё Канедо
Маълумот учун, БАА терма жамоаси Эрон, Ўзбекистон, Қатар, Қирғизистон ва Шимолий Корея билан бир гуруҳдан жой олган. Форслар 8-турдан кейин 20 очко тўплаб, муддатидан аввал мундиал масаласини ҳал қилган бўлса, 17 очкога эга Темур Кападзе жамоаси 2-ўринни банд этган. Кейинги поғоналарни БАА (13), Қатар (10), Қирғизистон (6) ва Шимолий Корея (2) эгаллаган.
Изоҳ (0)