Ўзбекистон миллий терма жамоаси Жаҳон чемпионати саралаши доирасидаги навбатдаги баҳсни 5 июнь куни сафарда БААга қарши ўтказади. Ушбу баҳс олдидан Ички ичлар бош бошқармаси футбол муҳлисларини огоҳликка чақирди.
Маълум қилинишича, сўнгги кунларда айрим туристик компаниялар томонидан мухлисларга “ўйин чиптаси кафолатланган” тур пакетлар таклиф этилаётгани кузатилмоқда. Бироқ, ҳозирча БААда бўлиб ўтадиган ушбу ўйиннинг расмий чипталари сотувга чиқарилмаган. Шу боис ИИББ футбол мухлисларини ҳушёрликка чақирди.
“Чипта кафолатланган” деган ваъдаларга ишониб, тасдиқланмаган саёҳат пакетларини харид қилиш молиявий зарар ёки фирибгарликка учраш хавфини оширади, дейилади ИИББ хабарида.
Маълумот учун, 2026 йил АҚШ, Мексика ва Канада майдонларида бўлиб ўтадиган Жаҳон чемпионати саралаши доирасида Ўзбекистон миллий терма жамоаси 5 июнь куни сафарда Бирлашган Араб Амирликлари терма жамоасига қарши майдонга тушса, 10 июнь куни Тошкентда Қатарни қабул қилади.
Темур Кападзе жамоаси ҳозир А гуруҳида 17-очко билан 2-ўринни эгаллаб турибди. Агар улар БААга қарши ўйинда бир очко қўлга кирита олса, муддатидан аввал мундиал масаласини ҳал қилади.
Изоҳ (0)