Футбол бўйича Ўзбекистон миллий терма жамоаси июнь ойида 2026 йилги Жаҳон чемпионати 3-саралаш босқичи доирасида БАА ва Қатар терма жамоаларига қарши ўйин ўтказади. ЎФА ушбу учрашувларда ишлайдиган ҳакамлар бўйича маълумот берди.
Қайд этилишича, БАА — Ўзбекистон учрашувини австралиялик Шон Эванс бошқариб боради. Унга қанотларда ҳамюртлари Жорж Лакриндис ва Оуэн Голдрик ёрдам беради. 4-расмий ҳакам сифатида Жонатан Баррейро, VARда эса Александр Кинг ишлайди.
Шунингдек, Ўзбекистон—Қатар учрашуви хитойлик ҳакамлар бригадасига ишониб топширилган. Бош ҳакам — Ма Нинг, унга қанотларда Жоу Феи ва Жанг Ченг ёрдам беради. 4-расмий ҳакам Жин Жингюан, VARда эса Фу Минг фаолият олиб боради.
Таъкидлаш жоиз, Ўзбекистон терма жамоаси тарихда илк бор жаҳон чемпионатининг финал босқичига чиқишга жуда яқин турибди. Жамоа 17 очко билан саралаш гуруҳининг иккинчи поғонасида бормоқда. Яна бир очко Темур Кападзе жамоасига мундиал йўлланмасини кафолатлайди. Ўзбекистон саралаш босқичи якунига қадар яна иккита учрашув ўтказади: 5 июнь куни сафарда БААга қарши, 10 июнь куни эса ўз майдонида Қатарга қарши.
Изоҳ (0)