Жиззахда фуқарони АҚШга юборишини айтиб, Африкага жўнатган шахс ушланиши, Оталар куни жиддий сиёсий-ижтимоий кун сифатида оммалаштирилиши зарурлигини айтган Алишер Қодиров, Қорақалпоғистонда боғча болалари бўлган автомобиль ЙТҲга учраши — “Дарё” нашри бугун, 19 июнда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Сирдарёда Nexia-2 каналга қулаши оқибатида беш киши ҳалок бўлди
Ҳайдовчи ва уч нафар йўловчининг жасади топилган, яна бир йўловчини қидириб топиш чоралари кўрилмоқда.
Фарғонада ИИБга инспектор ҳақида ёлғон ариза берган аёл 5 йилга қамалди
Аёл учта ҳолатда ўзгалар билан ишқий муносабатга киришиб, улар қарздор экани ҳақида ҳам бир неча маротаба ариза берган.
Жиззахда фуқарони АҚШга юборишини айтиб, Африкага жўнатган шахс ушланди
У Африкада чорасиз қолиб кетган фуқаронинг вазиятни ўнглаш учун яна 6,7 минг доллар талаб қилган.
Хоразмда 25 нафар давлат хизматчиси 6 ойдан буён ойлик берилмаётганидан шикоят қилмоқда. Ҳолат юзасидан масъул идора изоҳ берди
“Хоразм Йўловчи ташишни мониторинг ва назорат қилиш” давлат муассасаси ходимларининг ойлик маошларини тўлаб бериш мақсадида барча ҳисоб-китоблар Молия вазирлигига тақдим қилинган.
Ўзбекистонда 2024 йил учун буғдой харид қилиш ва сотиш тартиби тасдиқланди
2024 йилда суғориладиган майдонларнинг ҳар гектаридан ўртача 2,5 тоннадан буғдой харид қилинади.
Нукусда профилактика инспектори ақли норасо кексанинг уйини ўзлаштириб, хотинига ҳадя қилгани айтилмоқда
Бундан ташқари, у фуқарони мажбуран шифохонага жойлаштириб, унинг пулларини ўзлаштирган ва опасининг номига Lacetti олган.
Жиззахда транспорт воситасида одам ўлимига сабабчи бўлган 23 ёшли йигит Ёшлар иттифоқи кафиллиги остида озод этилди
Судда у содир этган жиноят иши эҳтиётсизлик оқибатида келиб чиққани, ОТМ талабаси экани ҳисобга олинган.
“Оталар куни жиддий сиёсий-ижтимоий кун сифатида оммалаштирилиши зарур” — Алишер Қодиров
“Миллий такланиш” демократик партияси раиси фарзанд кўрган аёлларга 3 йилгача ҳақ тўланадиган оналик таътили бериш таклифи устида ишланаётганини ҳам айтди.
Ўзбекистонда олий ва биринчи малака тоифасига эга ўқитувчилар ойлик маоши оширилиши кутилмоқда
Мактабларда таълим сифатини ошириш бўйича таклифлар кўриб чиқилди.
“Расмий Сеул Ўзбекистоннинг ЖСТга аъзо бўлишини тўлиқ қўллаб-қувватлайди” — Корея савдо, саноат ва энергетика вазири
Корея Республикаси президенти Юн Сок Ёлнинг Ўзбекистонга ташрифи давомида икки мамлакат ўртасида Жаҳон савдо ташкилоти доирасида ҳамкорлик тўғрисида баённома имзоланган.
Қорақалпоғистонда боғча болалари бўлган автомобиль ЙТҲга учради
Жароҳатланганлар бор.
Қирғизистонда содир бўлган зилзила Ўзбекистон ҳудудларида сезилди
Учта ҳудудда 2-3 баллик ер қимирлаши қайд этилган.
Чустда сел келиши оқибатида опа-сингилни девор босиб қолди
“Ўзгидромет” 17–19 июнь кунлари республиканинг тоғолди ва тоғли ҳудудларида сел-сув тошқини юзага келиши ҳақида хабар берган эди.
Сирдарёда Nexia-1 юк машинасига келиб урилиши оқибатида икки киши жароҳатланди
Ҳозирда Сардоба тумани ИИБ ходимлари томонидан тергов ҳаракатлари олиб борилмоқда.
Тошкент вилоятида эркак 5 ёшли қизчага тегажоғлик қилганликда айбланмоқда
Болалар омбудсмани вазиятни назоратга олган.
Ўзбекистонда 2027 йилгача бўлган даврда маҳаллий заргарлик буюмлари ишлаб чиқаришни ривожлантириш бўйича дастур ишлаб чиқилади
Президентга заргарлик буюмларини ишлаб чиқариш ва сотиш фаолиятини қўллаб-қувватлашга қаратилган чора-тадбирлар тақдимот қилинди.
Ўзбекистонда мастер режалар асосида бўладиган лойиҳалар ҳисобига 350 млрд сўм даромад тушиши кутилмоқда
Шавкат Мирзиёев туман ва шаҳарларнинг мастер режаларини ишлаб чиқишга оид тақдимот билан танишди.
Ўзбекистонликларнинг Россияга киришида текширувлар кўпайгани айтилмоқда. Элчихона ҳолатни назоратга олган
Вазиятга ойдинлик киритиш мақсадида элчихона Россия Ташқи ишлар вазирлигига мурожаат юборган.
Изоҳ (0)