Қирғиз Республикасида соат 05:25 да зилзила содир бўлди. Бу ҳақда Сейсмопрогностик мониторинг республика маркази хабар берди.
Эпицентрда сезилиш кучи — 4 балл. Ўзбекистон ҳудудида сезилиш кучи:
- Пахтаобод туманида 2-3 балл, 32 км;
- Избоскан туманида 2 балл, 45 км;
- Учқўрғон туманида 2 балл, 45 км;
- Андижон туманида 2 балл, 49 км;
- Андижон шаҳрида 2 балл, 53 км;
- Жалақудуқ туманида 2 балл, 56 км;
- Қўрғонтепа туманида 2 балл, 58 км;
- Норин туманида 2 балл, 58 км;
- Хонобод туманида 2 балл, 59 км;
- Олтинкўл туманида 2 балл, 60 км.
Зилзила эпицентри Тошкентдан 281 км жануби-шарқда. Магнитуда: 3,9. Эпицентр: Жалолобод.
20 май куни ҳам Қирғизистонда содир бўлган зилзила Андижонда сезилган эди.
Қирғизистонда қачон охирги марта кучли зилзила бўлган?
Мавжуд маълумотларга кўра, 2025 йил 28 март куни Қозоғистоннинг жанубида 5,5 магнитудали зилзила содир бўлган. Бу зилзила Қирғизистонда ҳам, айниқса Талас вилоятида сезилди ва баъзи биноларга зарар етказди.
Шунингдек, 2025 йил 12 март куни Қирғизистоннинг Жалолобод вилоятида 5 магнитудали зилзила қайд этилган. Шу билан бирга:
- 2008 йил 5 октябрь — 6,6 магнитудали зилзила Нура қишлоғи яқинида содир бўлган. 75 киши ҳалок бўлган, шу жумладан 41 нафар бола. 150 га яқин киши жароҳат олган. Нура қишлоғи деярли тўлиқ вайрон бўлган.
- 1992 йил 19 август — Суусамир зилзиласи, 7,3 магнитудада. Бу зилзила катта вайронагарчилик ва кўчкиларга сабаб бўлган.
- 1946 йил 2 ноябрь — Чотқол зилзиласи, магнитудаси 7,5–7,6. Қирғизистонда 1911 йилдан бери кузатилган энг кучли зилзилалардан бири. Жиддий вайронагарчилик кузатилган, лекин қурбонлар сони аниқ эмас.
- 1911 йил — Кебин зилзиласи, магнитудаси 8,2. Марказий Осиёда кузатилган энг йирик зилзилалардан бири. Эпитцентри ҳозирги Хитой ҳудудида бўлган бўлса-да, Қирғизистонда ҳам кучли сезилган ва катта зарар келтирган.
Изоҳ (0)