ФВВ Сейсмопрогностик мониторинг Республика маркази Тошкент вилоятида 3,6 магнитудали зилзила содир бўлганини маълум қилди.
Қайд этилишича, Ўзбекистон ҳудудида маҳаллий вақт билан соат 11:52 да зилзила содир бўлган. Эпицентр: Тошкент вилояти, Бўстонлиқ тумани. Зилзила координаталари: 41,73 градус шимолий кенглик; 70,19 градус шарқий узунлик. Магнитуда М=3,6. Чуқурлик 15 километр. Зилзила эпицентри Тошкентдан 96 километр шимолий-шарқда.
Ер ости силкинишининг Бўстонлиқ туманида сезилиш кучи 2 баллни ташкил этди.
1 март куни Фарғона ва Андижон вилоятларида 3,5 магнитудали зилзила кузатилганди. Ундан олдин эса Хитой—Қирғизистон чегарасида 22 январь ва 30 январь кунлари содир бўлган зилзила кучи ҳам Ўзбекистонда сезилганди.
Изоҳ (0)