Ўзбекистон—Қирғизистон чегарасида 20 май куни Тошкент вақти билан 17:18 да зилзила содир бўлди. Бу ҳақда ФВВ Сейсмопрогностик мониторинг республика маркази хабар қилди.
Қайд этилишича, зилзила координаталари — 40,51 градус шимолий кенглик; 72,4 градус шарқий узунлик. Магнитудаси 3,4 га тенг. Чуқурлиги — 15 километр. Зилзила эпицентри Тошкентдан 280 километр жанубий-шарқда жойлашган.
Ўзбекистон ҳудудида сезилиш кучи қуйидагича:
- Марҳамат туманида 2 балл, 9 километр;
- Булоқбоши туманида 2 балл, 12 километр.
Бундан аввал Қирғизистонда содир бўлган зилзила кучи Тошкент вилоятида, Тожикистонда содир бўлган зилзила эса Фарғона вилоятида сезилганди, Фарғона вилоятида 2 баллик ҳамда Бухорода 3,5 баллик зилзила қайд этилганди.
Изоҳ (0)