Мадриднинг “Реал” клуби ярим ҳимоячиси Жуд Беллингем “Эспанёл”га қарши ўйин бош ҳаками Хосе Мунуэра Монтерога қўпол муносабатда бўлган. Футболчи огоҳлантирилгач ҳакам шаънига тўғри келмайдиган сўзлар айтган, аммо Жуд ҳеч қандай жазо олмайди.
Манбага кўра, ҳакам Жуднинг сўзларини эшитмагани учун Испания ҳакамлар техник қўмитаси (CТА) шикоят аризаси юбормайди. Қўмита эпизод бўйича шикоят қилишнинг ҳожати йўқ деб ҳисоблайди. Бунинг сабабини қўмита “Реал” ярим ҳимоячисининг сўзлари оммавий баёнот эмаслиги билан изоҳлаган.
Маълумот учун, воқеа иккинчи бўлимда содир бўлган. Жуд Беллингем қоидабузарликни белгиламаган ҳакамга норозилик билдиргани учун сариқ карточка олди. У рақиб ўйинчиси билан тортишиб қолди, сўнгра туриб, ҳакамга норозилик билдира бошлади. Ҳакам эса иккиланмасдан унга сариқ карточка кўрсатди. Буни кўрган инглиз ўйинчиси “Бу нима аҳмоқлик”, дея бақирган.
22 сентябрь куни бўлиб ўтган ушбу учрашувда “Реал Мадрид” клуби 4:1 ҳисобида ғалаба қозонди.
Изоҳ (0)