Ла Лига. “Реал” ўз майдонида “Алавес”ни тор-мор этди

Футбол бўйича Испания Ла Лигасининг 36-турида “Реал” 14 май, сешанба куни “Алавес”га қарши баҳс олиб борди.

Учрашувнинг 10-дақиқасида Жуд Беллингем ҳисобни очди. 27-дақиқада Винисиус Жуниор ўз номига гол ёздириб қўйди. Бўлим сўнгида эса Федерико Вальверде ҳисобни йирик кўринишга олиб келди.

Иккинчи бўлимда ҳам мадридликлар рақибга босимни пасайтирмади. 70-дақиқага келиб, Винисиус дублни расмийлаштирди. 81-дақиқада Арда Гюлер ҳам дарвозани ишғол қилди. Шу тариқа учрашув 5:0 ҳисобида “қаймоқранглилар”нинг ғалабаси билан якунланди.

Ушбу ғалабадан сўнг Ла Лигага чемпионликни расмийлаштирган “Реал” очколарини 93 тага етказиб қўйди.

Ла Лига

36-тур

14 май, сешанба

“Реал” — “Алавес” 5:0

Голлар: 1:0 – 10 Беллингем, 2:0 – 27 Винисиус Жуниор, 3:0 – 45+1 Вальверде, 4:0 – 70 Винисиус Жуниор, 5:0 – 81 Гюлер.

“Реал Мадрид”: Куртуа, Карвахаль, Начо, Милитао (Рюдигер, 72), Менди, Мартин, Кроос (Себальос, 72), Вальверде, Камавинга (Гюлер, 62), Беллингем, Винисиус Жуниор, Родриго.

“Алавес”: Овоно, Горосабел (Теналя, 61), Абкар, Марин, Дуарте, Сола (Алкаин, 62), Ҳаджи (Паничелли, 71), Антонио Бланко, Гевара (Гуриди, 62), Риоха, Омородион (Реббаш, 78).

Огоҳлантиришлар: Дуарте (50), Винисиус Жуниор (52).