Каталониянинг “Барселона” клуби ярим ҳимоячиси Фрэнки де Йонг Испания Ла Лигасининг 2024—2025 йилги мавсумида энг кўп маош олувчи футболчига айланди. Бу ҳақда Capology молиявий портали хабар берди.
Голландиялик футболчининг солиқлар ҳисобланишидан олдинги маоши йилига 37,5 миллион еврони ташкил қилади. Иккинчи ўринда Каталония жамоасининг полшалик ҳужумчиси Роберт Левандовски: унинг маоши йилига 33,3 миллион евро. Учинчи ўринда “Реал”нинг янги футболчиси Килиан Мбаппе 31,3 миллион евро маош олади.
Кучли ўнталикда яна беш нафар “Лос-Бланкос” футболчиси бор:
- Давид Алаба (4-ўрин),
- Жуд Беллингем (6-ўрин),
- Винисиус Жуниор (7-ўрин),
- Федерико Вальверде (9-ўрин)
- Тибо Куртуа (10-ўрин).
Бешинчи ўринда “Атлетико Мадрид” клубининг словениялик дарвозабони Ян Облак жойлашган. Саккизинчи ўринда “Барселона” ярим ҳимоячиси Илкай Гюндоган.
Изоҳ (0)