“Чорсу”да яна ёнғин: кийим дўконларидан бири ёнди

Тошкент шаҳар Шайхонтоҳур туманида жойлашган Чорсу бозорида яна ёнғин чиққани ҳақида хабарлар тарқалди. ФВБ ҳолат юзасидан маълумот берди. 

Унга кўра, 25 август куни соат 20:48 да Шайхонтоҳур тумани, Зарқайнар кўчасида жойлашган дўконларнинг бирида ёнғин содир бўлаётгани тўғрисида, Тошкент шаҳар ФВБга хабар тушган.

Ёнғин-қутқарув техникалари айтилган манзилга соат 20:53 да етиб бориб, соат 21:06 да ўчирилди. Ёнғин натижасида кийим дўконининг ички қисми 15 кв.м. майдонда ёнган.  

Ҳодиса сабаби ва моддий зарар миқдори аниқланмоқда. Ҳолат оқибатида ҳалок бўлган ва жабрланганлар йўқ.

Аввалроқ 28 июнь куни соат 01:12 да Тошкент шаҳар Шайхонтоҳур тумани Беруний кўчасида жойлашган “Чорсу” бозор ҳудудидаги савдо дўконларида ёнғин чиққан эди. 

Шунга кўра, 12 та ёнғин-қутқарув экипажи соат 01:17да воқеа жойига етиб бориб, ёнғин соат 02:22 да қуршаб олинган ва ёнғин соат 02:47 да тўлиқ бартараф этилган. 

Ёнғин натижасида тан жароҳати олган ва вафот этган фуқаролар тўғрисида хабар келиб тушмаган.