Хизмат видеокамералардан олинган маълумотларни таҳлил қилишни автоматлаштириш учун мўлжалланган. Видеотаҳлил маҳсулотларнинг намойиш қилинишини яхшилашга, мижозларга хизмат кўрсатишни оптималлаштиришга ва хавфсизлик масалаларида инсон омилини бартараф этишга ёрдам беради.
VEON AdTech компаниясининг видеотаҳлил хизмати бўйича бизнесни ривожлантириш масалалари менежери Дмитрий Кудряшов ушбу ёндашув ҳақида батафсил маълумот берди.
Видеотаҳлил ва видеокузатув ўртасидаги фарқ нимада?
Видеокузатув оператор назорати ва содир бўлаётган воқеаларни кузатишни ўз ичига олса, видеотаҳлил эса нейрон тармоқлардан фойдаланган ҳолда видеокамералардан олинган маълумотларни аниқлайдиган машина маълумотларига (мачине-леарнинг) асосланган дастурий таъминот алгоритмларидир. Бунгача барча мижозлар соҳада фақат оператор, видеокамера ва экран бўлишига одатланиб қолишган эди. Агар оператор чарчаган бўлса, ухлаб қолса ёки бошқа нарсаларга чалғиб қолса, унда камера суратга олган ҳодисани оператор пайқамайди. Видеотаҳлил айнан ушбу ҳолатларни бартараф этиш учун мўлжалланган, чунки у 24/7 режимда ишлайди, камера суратга олган барча маълумотларни олади ва хавфсизлик хизматини дарҳол огоҳлантиради. Масалан, ёнғин аниқланганда, тизим Telegram, электрон почта ёки платформанинг ўзида хабарнома юборади.
Сизга видеотаҳлил тизими қандай афзалликларни беради?
Биринчидан, у шароитга мослаштирилган ва кўплаб замонавий камералар билан ишлай олади, бу эса мавжуд ускуналардан фойдаланишга имкон беради.
Иккинчидан, биз бу хизмат орқали тизим интеграциясини танлашда мослашувчанликни таклиф қиламиз: мижознинг шахсий серверларидан то булутли ечимларгача. Агар мижознинг ўз серверлари ва маълумотларни сақлаш имкони бўлса, биз тизимни уларга бириктириб, улаб берамиз. Агар мижозда бундай имкониятлар бўлмаса, биз масалани ҳал қилиш учун булутли ечим ҳам таклиф қиламиз. Танланган ечимдан қатъи назар, барча маълумотларнинг махфий қолиши таъминланади. Ушбу маълумотлар ташкилотдан ташқарига чиқмайди ва фақат мижоз тизимни ўрнатганидан сўнггина уни олиш ҳуқуқига эга бўлади.
Учинчидан, тизимни деярли барча соҳаларда қўллаш мумкин: чакана савдо, ФМCГ, саноат, хавфсиз шаҳар ва бошқалар. Чунки, ҳар бир бизнес тармоғида видеотаҳлил ёрдам берадиган масала ва муаммоларни учратиш мумкин.
Ва тўртинчидан, тизим инсон омилини бартараф этади. Бу даромаддаги йўқотишлар камайиши, хавфсизлик ошиши ва инсон томонидан бўладиган эмоционал таъсирлар йўқ бўлишини англатади.
Бизнесда видеотаҳлилни қўллаш бўйича қандай мисолларни келтира оласиз?
Видеотаҳлил ҳар қандай соҳада фойдали бўлади. Чакана савдода у маҳсулотларни пештахталарда жойлаштиришни оптималлаштириш, мижозлар хатти-ҳаракатларини таҳлил қилиш ва талабни прогноз қилиш учун ишлатилиши мумкин. Саноатда видеотаҳлил ишлаб чиқариш жараёнларини кузатиш, тайёр маҳсулотларни ҳисоблаш ва ўғирликларнинг олдини олиш учун ишлатилади. Бундан ташқари, ундан логистика жараёнларини назорат қилиш, масалан, омборларда транспорт воситаларини кузатиш учун ҳам фойдаланиш мумкин. Видеотаҳлил шаҳар муҳитида хавфсизликни таъминлаш учун ҳам қўлланилади. Масалан, жамоат транспортида чиптасиз юрувчиларни назорат қилиш ёки кўчаларда шубҳали хатти-ҳаракатларни аниқлайди. Бундан ташқари, банклар ва давлат идораларида ҳам хизматларни яхшилаш учун самарали восита ҳисобланади.
Видеотаҳлил муваффақиятли қўлланилган аниқ мисолни келтира оласизми?
Албатта. Масалан, бизнинг жамоа Beeline Uzbekistan бош савдо офисида видеотаҳлил тизимини ўрнатиш бўйича лойиҳани ишга туширди. Ўрнатилган камералар ва сервердан фойдаланиб, жамоамиз платформани жойлаштирди ва нейрон хизматларини созлаб берди. Улар операторларнинг хизмат сифатини кузатиб боради, ташриф буюрувчиларнинг бино ичидаги тўпланиш жойларини ва сонини таҳлил қилади.
Видеотаҳлил кўпроқ савдо учунми ёки хавфсизлик учунми?
Аввало, ушбу тизим таҳлил қилиш воситасидир. У одамлар оқимини кузатиш, ишлаб чиқариш ва логистика хавфсизлигини таъминлаш учун қўлланилади. Биз муайян одамлар ҳақида маълумот тўпламаймиз ва шахсий маълумотлар базасини шакллантирмаймиз. Барча видеомаълумотлар махфий ва аноним тарзда қолади. Бу ерда савдо масаласи таҳлилнинг ўзига эмас, балки унинг қўлланилишига оид қуйидагиларга тааллуқлидир: олинган маълумотлардан графиклар, жадваллар тузиш, иш жараёнини оптималлаштириш ва бошқа вазифалар учун.
Технология қанчалик аниқ ва у инсон бажарадиган функцияларнинг қай бирини ўрнини боса олади?
Технология деярли хатосиз ишлайди. Мисол учун, 90% дан ортиқ ҳолларда тизим ҳиссиётларни тўғри аниқлай олади. Юзни таниш - 99%. Аксарият ҳолларда хатолар камера тасвирининг сифати, унинг ракурси ва баланд ўрнатилганлиги туфайли юзага келади.
Видеотаҳлил ижодий фикрлаш, эмпатия ва инсонга хос ҳиссий қарорлар қабул қилиш ўрнини боса олмайди. Аммо одатий вазифаларни автоматлаштириш воситаси сифатида у бемалол ишлайди. Мисол учун, у қоронғуда воқеаларни кузатиши ва фавқулодда хизматларга сигнал юбориши мумкин. Бу бинога бегоналарнинг кириши, бинодаги туташ ва шу каби ҳолатларни олдини олиш учун омбор майдонларини кузатишда жуда фойдалидир. Бундан ташқари, тизимда инсонларнинг оқ ва қора рўйхатини яратиш мумкин. Агар қора рўйхатдаги бирор шахс видеокузатув ҳудудида кирса, у хонада шубҳали шахс борлиги ҳақида сигнал юборади. Масалан, дўкон ўғрилари. Аксинча, оқ рўйхатда — ҳар доим ҳам уларни оломон ичида таниб бўлмайдиган нозик меҳмонлар, инфлюенсерлар бўлиши мумкин. Лекин. Бундай ҳолатда эса ушбу тизим анча асқатади.
Видеотаҳлил тизимини ўрнатиш учун қандай техник талаблар мавжуд?
Унчалик кўп эмас. Биз тизимни серверга уланиш имкониятига эга ҳар қандай замонавий ИП камераларга интеграциялашимиз мумкин. Тизим оптимал ишлаши учун камида 1080п пикселлар сонига эга камералардан фойдаланиш ва видеомаълумотларни сақлаш учун етарли жой ажратиш кифоя. Шунингдек, биз камераларни жойлаштириш ва ўрнатишнинг бошқа жиҳатлари бўйича тавсиялар бериб борамиз.
Кимнинг ускунасидан фойдаланилади?
Ишлаб чиқарилган мамлакат унчалик муҳим эмас, чунки биз мижоз томонидан ўрнатилган камералардан фойдаланишимиз мумкин. Бу жараёнда биз ўз дастурий таъминотимизни ўрнатамиз.
Ушбу тизим қанчалик мослашувчан ва янгиланиши осон?
Биз одамларни сонини ҳисоблаш ёки юзни таниш каби вазифалар учун модулларни ишлаб чиққанмиз. Бироқ, агар бошқа объектлар (саноат маҳсулотлари, автомобиль давлат рақамлари ва бошқалар) мониторинги талаб этилса, биз мижоз томонидан тақдим этилган маълумотлар асосида тизимимизга янгича имкониятлар қўшамиз. Бу фотосуратлар ёки видеолар бўлиши мумкин. Улар асосида тизим буни ўрганади ва белгиланган барча вазифаларни бажаради.
Бу бир марталик хизматми ёки узоқ муддатлими?
Бизда 2 та модел мавжуд.
- 12 ойлик обуна. Бу модел ичида техник хизмат кўрсатиш ва дастурий таъминотни ўз вақтида янгилаб бориш хизмати мавжуд.
- Аналитик модуллар ва дастурий таъминот учун лицензияни бир марталик харид қилиш. Бу модел ичига мутахассис ёрдами ҳам киритилган, аммо унинг амал қилиш муддати чегараланган.
Иккала ҳолатда ҳам ўрнатилган видеотаҳлил платформасидаги қўшимча созлаш ишлари содда ва тезроқ кечади. Тўлов туридан қатъи назар, VEON AdTech мутахассислари ҳар доим маслаҳат ва бошқа ечимларни беришга тайёр.
VEON AdTech нинг видеотаҳлил хизматининг ишга туширилиши бизнес ва хавфсизлик учун янги истиқболларни очади. Ушбу инновацион хизмат мижозларга ноёб имкониятларни тақдим этади. Ҳозирги кунда видеотаҳлил хизматидан ақл билан ва креатив тарзда фойдаланиш бизнес учун янги имкониятлар тақдим этади. Бу жараёнда компаниянинг тажрибали ходимлари ёрдамга шай.
Биргаликда биз технология ва инсон потенциали бир бутунликка айланган замонавий дунёнинг энг яхши жиҳатларини ўзида мужассамлаштирган янада самарали ва хавфсиз келажак сари қадам қўямиз.
Хизмат ҳақида қўшимча маълумот олиш учун: +998 91 002 04 20
Компания ҳақида
VEON AdTech — digital ва перформанcе маркетинг ҳамда заманавий реклама технологияларини, жумладан, ўзининг дастурий платформаларини ривожлантириб борувчи VEON компаниялар тармоғининг бир қисми ҳисобланади.
Компания ўз иш фаолиятида Big Data, сунъий интеллект ва мачине-леарнинг технологияларидан фойдаланади. VEON AdTech юқори аниқликдаги таргетинг хизматлари, бозор эҳтиёжларини ўрганиш ва дўконлардаги мижозлар фаоллигини ёки танланган ҳудудлардаги трафикни таҳлил қилиш хизматларини таклиф қилади. Рақамли маркетинг хизматлари ҳар қандай масштабдаги бизнесларга, шунингдек, давлат секторига ҳам мўлжалланган.
Facebook: fb.com/VEON.АдTech
Telegram: т.ме/VeonАдTech
Twitter: twitter.com/VEON_AdTech
LinkedIn: linkedin.com/company/veon-adtech
Реклама ҳуқуқи асосида.
Изоҳ (0)