АҚШнинг Оклахома штати Медфорд шаҳридаги Oneak газ компанияси заводида портлаш содир бўлди. Бу ҳақда News оn 6 маҳаллий шериф идорасига таяниб, хабар берди.
Хабарга кўра, ҳодиса 9 июль куни содир бўлган, портлашдан сўнг бинода ёнғин бошланган. Корхонанинг барча ходимлари эвакуация қилинди, дастлабки маълумотларга кўра, портлаш қурбонлари йўқ, дейилади компания хабарида.
Расмийлар яқин атрофдаги йўлларни тўсиб қўйишга мажбур бўлган, шериф идораси заводдан икки миля радиусда (тахминан 3,2 км) жойлашган шаҳарнинг барча аҳолисини мактаб биносига эвакуация қилишни сўраган. Fox News телеканалининг аниқлик киритишича, одамларни шаҳар черкови ва кўргазма мажмуаси қабул қилмоқда. Расмийлар нима сабабдан аҳолидан бошпанага ўтишни сўрагани ҳақида ҳеч бир телеканал хабар бермади.
Fox News хабарига кўра, завод шаҳарнинг ўзида эмас, балки унинг чеккасида жойлашган.
Оnеоk компанияси 1906 йилда Оклахома штатида ташкил этилган, у газ қувурларини ётқизиш ва суюлтирилган газни ташиш билан шуғулланади.
Изоҳ (0)