Франция Қуролли кучлари вазирлиги 2024 йилда Украинага 600 та ААSМ туридаги бомба етказиб беришни ваъда қилгандан кейин захираларни тўлдириш учун Safran компаниясидан 500 га яқин шундай бомбаларнинг янги партиясига буюртма беришни режалаштирмоқда.
Бу ҳақда Tribune нашри хабар берди.
Нашрнинг қайд этишича, захирани тиклаш тўғрисидаги қарор 2024 йил январида Франция Мудофаа вазирлиги раҳбари Себастьян Лекорну Париж Киевга йил давомида ҳар ой 50 та ААSМ бомбаси етказиб беришини айтганидан кейин қабул қилинган.
Аввалроқ Франция ва Германия Украинада қурол ишлаб чиқарадиган завод қуриш ниятида экани хабар қилинганди.
ААSМ Hammer қўшимча ускуналар тўплами бўлиб, ҳаводан эркин тушадиган “оддий” бомбаларни бошқариладиган “ақлли” бомбаларга айлантиради. ААSМ Hammer’нинг асосий версияларида 250 ва 1000 кг бомба ишлатилади.
Модулли дизайн туфайли нишон турига ва жанговар топшириқнинг хусусиятига қараб бомба хусусиятларини ўзгартириш мумкин. Бунда портлаш баландлиги, тезлиги ва зарба бурчагини дастурлаш мумкин.
Изоҳ (0)