Ява қирғоқлари яқинидаги Мадура бўғози тубидан археологлар Ҳомо эреcтус бош суягининг парчалари ва ўнлаб ҳайвонларнинг қолдиқларини топишди. Quaternary Environments and Humans журналида эълон қилинган тадқиқот 140 минг йил олдин мавжуд бўлган Сундаленд деб номланган сув босган пасттекисликнинг экотизими ва қадимги одамларнинг турмуш тарзи ҳақида ноёб маълумотлар тақдим этади.
Топилмалар орасида ишлов берилган тошбақа суяклари ва кўплаб мол суякларининг парчалари мавжуд бўлиб, бу ов қилиш ва суяк илигини олиш амалиётидан далолат беради. Бу маълумотлар Явадаги Homo erestus ажралиб қолган деган қарашни инкор этади. Денгиз сатҳи паст бўлган даврда одамлар текисликларга, эҳтимол, сув ва озиқ-овқатга бой дарёлар бўйлаб тарқалган.
Тадқиқотчиларнинг фикрича, бундай овчилик кўникмалари қадимги одамларнинг бошқа гуруҳларидан ўзлаштирилган бўлиши мумкин, бу эса улар ўртасида алоқалар ёки ҳатто генетик алмашинув бўлганлигини тахмин қилишга имкон беради.
Ушбу кашфиёт Жануби-Шарқий Осиёнинг тарихдан олдинги дунё харитасини бойитади. Ўша даврларда Сундаленд бегемотлар, филлар ва йиртқич калтакесаклар яшайдиган Африка саванналарини эслатган. Топилган ашёлар тўплами Бандунг геология музейида намойиш этилади. Топилмаларнинг бир қисми эса сайёр кўргазмаларга қўйилиши мумкин.
Изоҳ (0)