АҚШнинг Rocheстер университети олимлари Марс ва Ер релефи ўртасида илгари номаълум бўлган ўхшашликни аниқладилар. Тадқиқот натижалари Icarus журналида эълон қилинди.
Кузатувлар давомида олимлар Марсдаги айрим кратерларнинг тузилиши Ернинг шимолий ҳудудларидаги баъзи тупроқ тепаликларга ўхшашлигини аниқлаган. Улар бу ўхшашликни ҳайратланарли деб баҳолаб, у сайёрадаги эҳтимолий ҳаёт ҳақида кўпроқ маълумот бериши мумкинлигини таъкидламоқда.
Марс юзасининг айрим жойларида тўлқинсимон релеф мавжуд. Худди шундай солифлюксион шакллар Ер шарининг Арктика ва Қояли тоғлар каби совуқ тоғли ҳудудларида ҳам учрайди. Солифлюксия — ўта нам тупроқлар ва майда заррачали грунтларнинг ёнбағирларда уларнинг навбатма-навбат музлаши ва эриши натижасида пластик оқиши жараёнидир.
Тадқиқотчи Рейчел Глейднинг таъкидлашича, бу шаклни маълум шароитларда суюқликлар ҳам ҳосил қилиши мумкин. Масалан, девор бўйлаб оқаётган бўёқ томчилари. Марс ва Ердаги объектлар ўртасидаги асосий фарқ шундаки, Марсдаги бу ўсимталар ўртача 2,6 баравар баландроқ. Буни сайёранинг кучсиз тортишиш кучи билан изоҳлаш мумкин.
Тадқиқотда айтилишича, Марс ҳам қачонлардир Ерга хос бўлган музлаш ва эриш даврларини бошдан кечирган.
“Бу тадқиқот бизга бошқа сайёралардаги ўтмиш ёки ҳозирги шароитларнинг белгиларини аниқлашга ёрдам беради. Бу эса ўз навбатида у ерларда ҳаётнинг мавжудлиги ёки чегараланганлигини аниқлашга имкон яратади”, дейди Жон Пол Слейман.
Чикаго университети тадқиқотчилари Қуёшда содир бўлаётган глобал ўзгаришлар туфайли беш миллиард йилдан сўнг Ерда ҳаёт барҳам топишини таҳмин қилишди. Мутахассисларнинг таъкидлашича, юлдузнинг қариши натижасида Қуёш тизимидаги бир нечта сайёра йўқ бўлиб кетиши мумкин.
Дунёдаги энг йирик электр станцияси ҳисобланган, ўрнатилган қуввати 22,5 ГВт бўлган Хитойнинг “Уч дара” гидроэлектр станцияси Ернинг айланишини секинлаштиргани хабар қилинганди. NASA Goddard космик парвозлар маркази геофизиги Бенжамин Фонг Чаонинг айтишича, улкан тўғон куннинг 0,06 микросекундга узайишига ва сайёра ўқининг 2 сантиметрга силжишига сабаб бўлган.
Лондон университети коллежи олимлари сайёрани совитиш учун янги самолётлар яратиш ўрнига мавжудларидан фойдаланиш мумкинлигини аниқлади. Бу усул атмосферага қуёш нурини қайтарувчи ва Ер ҳароратини пасайтирувчи майда заррачалар қўшиш орқали амалга оширилади.
Қуёш юзасида улкан коронал “тешик” пайдо бўлгани, у Қуёш айланасининг чорак қисмини қамраб олиши хабар қилинганди.
Маълум қилинишича, тешик Ер томонга юқори тезликда қуёшли шамоллар тўлқинини тарқатиши мумкин. Бу эса сунъий йўлдошларга зарар етказиши ва Ерда қутб ёғдуларини келтириб чиқариши кутилмоқда.
Изоҳ (0)