Авваллари мультфильмлар фақат болалар учун мўлжалланган контент ҳисобланар эди. Бугунги кунда улар миллиардлаб даромад олиб келмоқда, ҳар қандай ёшдаги томошабинларга ёқади ва поп маданиятнинг бир қисмига айланган. Қуйида энг кўп даромад олган анимацион фильмлар тўпланди.
“Бошқотирма 2” (2024) — 1,69 миллиард доллар
Томошабинлар яна бир бор қаҳрамон қиз — Райлининг дунёсига саёҳат қилишади. Энди у ўсмирга айланган, демак янги ҳиссиётлар пайдо бўлади. Қувонч, ғам, ғазаб ва нафрат — энди ташвиш, ҳасад ва уят билан тўқнаш келади.
Нега кўриш керак? Pixar яна мўжиза яратган: ёрқин визуал эффектлар, ҳаяжонли воқеалар ва болалар-у катталар тушунадиган ҳазиллар.
“Қирол шер” (2019) — 1,66 миллиард доллар
Воқеа ўзгармаган: кичкина арслон Симба отасини йўқотади, қувғинга учрайди ва охири тахтга қайтади. Фақат бу сафар фильм шунчалик реал кўринадики, худди ҳужжатли фильмдек туюлади.
Нега кўриш керак? Болаликдаги хотиралар, машҳур қўшиқлар (жумладан, Бейонсенинг Can You Feel the Love Tonight таронаси) ва ажойиб анимация.
“Муз юрак 2” (2019) — 1,45 миллиард доллар
Биринчи фильмда Элза ўз кучини тан олган эди. Бу сафар у ўзининг асл тақдирини билиши керак. Элза ва Анна сирли ўрмонга йўл олишади ва ўтмиш сирларига дуч келишади.
Нега кўриш керак? Графика янада кучлироқ, Into the Unknown қўшиғи эса яна узоқ вақт ёдингиздан чиқмайди.
“Супер Марио” (2023) — 1,36 миллиард доллар
Марио ва Луижи — Бруклиндан чиққан сантехниклар, Ғуборлар қироллигига тушиб қолишади. Энди Марио малика Пични қутқариши ва душман Бовзерни енгиши керак.
Нега кўриш керак? Ўйинларга жуда кўп ишоралар, зўр анимация ва Луижи ролида Чарли Дей алоҳида бонус.
“Муз юрак” (2013) — 1,28 миллиард доллар
Анна ва Кристофф Элзани қидириб қорли қиролликка боришади. Улар йўлида сеҳр, саргузаштлар ва кулгили қор одам Олафни учратади.
Нега кўриш керак? Дисней тарихидаги энг машҳур мультфильмлардан бири, мусиқалари эса ҳанузгача эшитилади.
“Супер оила 2” (2018) — 1,24 миллиард доллар
Бу сафар Мистер ноёб уйда болалар билан қолади, Эластик эса дунёни қутқаришга жўнайди. Жек-Жек янги қобилиятлари билан ажаблантиришда давом этади, оилавий ҳаёт эса янада қувноқ бўлиб боради.
Нега томоша қилиш керак? Юмор ва ҳақиқий оилавий ҳаётнинг завқини оласиз.
“Минионлар” (2015) — 1,15 миллиард доллар
Бу сафар минионларнинг ҳикояси қандай бошланганини билиб оласиз. Улар Гру билан учрашишдан олдин ўзларига хизмат қиладиган энг ёвуз одамни излашади ва тасодифан Скерлетт Оверкиллни топишади.
Нега кўриш керак? Минионлар — соф комедия.
Изоҳ (0)