Бугун, 3 апрель куни FIFA миллий терма жамоалар рейтингини янгилади. Март ойидаги ўйинларда Ўзбекистон миллий жамоаси умумий 11,86 балл тўплади ва 1 поғона юқорилаб, дунёда 57-ўриндан жой олди.
Ўзбекистон 20 март куни Жаҳон чемпионати саралаши 7-турида Қирғизистон устидан 1:0 ҳисобида ғалаба қозонди. Ушбу ғалабадан кейин Ўзбекистон FIFA рейтингида 7,31 баллни қўлга киритди. Жамоа 25 март куни Теҳронда Эронга қарши майдонга тушиб, 2:2 ҳисобида дуранг ўйнади. Мазкур натижа эвазига “оқ бўрилар” FIFA рейтинги учун 4,78 баллни қўлга киритди ва ўз ҳисобидаги умумий очколар сонини 1436,78 тага етказди.
Март ойидаги йиғинда Осиё терма жамоалари орасида Ироқ 29,47 очко йўқотиб, 56-ўриндан 59-поғонага тушиб кетди ва Ўзбекистон қитъадаги энг кучли 6 жамоа қаторига кириб олди.
Осиёнинг энг кучли 10 терма жамоаси:
Маълумот учун, айни пайт FIFA рейтингида Аргентина 1886,16 очко билан етакчилик қилмоқда. Испания 1854,64 балл билан 2-ўринни эгаллаб турибди. Франция эса 1852,71 очко билан кучли учликка якун ясаган.
Изоҳ (0)