Саудия Арабистони майдонларида ўтаётган U-17 Осиё чемпионатида 2-тур баҳслари якунига етди. Ўзбекистон ўсмирлар терма жамоаси кетма-кет икки турда ҳам ғалаба қозониб, муддатидан аввал Жаҳон чемпионати йўлланмасига эга чиқди.
Ислом Исмоилов бошчилигидаги жамоа 1-турда Таиландни 4:1, 2-турда Хитойни 2:1 ҳисобида мағлубиятга учратиб, 6 очко билан гуруҳда 1-ўринни эгаллаб турибди. 6 апрель, якшанба куни гуруҳнинг иккинчи баҳсида мезбон Саудия Таиландни 3:1 ҳисобида мағлубиятга учратиб, Ўзбекистонни муддатидан аввал мусобақанинг плей-офф босқичига ҳамда 2025 йилнинг ноябрь ойида ўтадиган мундиал йўлланмасига эга чиқишни таъминлади.
Маълумот учун, ўсмирлар ўртасидаги Жаҳон чемпионати 2025 йилнинг ноябрь ойида Қатарда ўтказилади. Мусобақа 3 ноябрда 27 ноябрга қадар давом этади.
Изоҳ (0)