Ўзбекистонлик ҳакамлар бригадаси клублар ўртасидаги Жаҳон чемпионатида иштирок этади. Бу ҳақда Ўзбекистон футбол ассоциацияси матбуот хизмати хабар берди.
Жорий йилнинг 14 июнидан 13 июлига қадар Америка Қўшма Штатларида клублар ўртасидаги Жаҳон чемпионати бўлиб ўтади. FIFA клублар мундиалида фаолият олиб борувчи расмийлар рўйхатини эълон қилди. Ушбу мусобақада Илгиз Танташев бошчилигидаги ўзбекистонлик ҳакамлар бригадаси ҳам иштирок этади. Қанотларда унга, Андрей Цапенко ҳамда Тимур Гайнуллин ёрдам беради.
Маълумот учун, 2025 йилдан бошлаб клублар ўртасидаги Жаҳон чемпионатида 32 та жамоа иштирок этади. Европадан 12 та жамоа, Жанубий Америкадан 6 та, Африка, Осиё ва КОНКАКАФдан 4 тадан ва Океаниядан битта жамоа иштирок этади.
Изоҳ (0)