Ўзбекистон миллий терма жамоаси бош мураббийи Самвел Бабаян Эронга қарши ўйиндан кейинги матбуот анжуманига ўзи ташриф буюрди. Ўйинолди анжуманга у ёрдамчиси Виктор Жалиловни юборганди.
Бабаян сўзни форсларни Жаҳон чемпионати йўлланмаси билан табриклашдан бошлади.
Биринчи навбатда Эронни Жаҳон чемпионатига чиққани билан табриклайман. Улар ҳақли равишда мундиал йўлланмасини қўлга киритганини тан олиш керак.Мутахассиснинг айтишича, Станислав Андреевнинг Эронга қарши учрашув бошидаёқ жароҳат олиши кутилган ўйин намойиш қилинмаганига сабаб бўлган.Ўзбекистонда эса мундиал учун ҳамон имконият сақланиб қолди. Қолган икки ўйинда сифатли футбол кўрсатиб, бор кучимизни ишга солган ҳолда ғалаба қозонишимиз ва олдинга интилишимиз керак.
Самвел Бабаян, Ўзбекистон МТЖ бош мураббийи
Мазкур ўйинга тайёргарлик кўриш жараёнида кўплаб йўқотишларга дуч келдик ва бугунги ўйин бошида йўқотишлар яна биттага кўпайди. Бу учрашувдаги режамизга ўз таъсирини ўтказди ва кутилган ўйинни кўрсата олмадик. Станислав Андреевнинг жароҳат олиб, майдонни тарк этиши оқибатида мажбурий ўзгариш амалга оширдик. Натижада Сервер Жепаров бугун майдонга туша олмади.Маълумот учун, Ўзбекистон терма жамоасининг саралаш циклида 2 та ўйини қолди. 31 август куни Хитойда меҳмон бўладиган Самвел Бабаян жамоаси, 5 сентябрь куни Тошкентда Жанубий Кореяни қабул қилади.Самвел Бабаян, Ўзбекистон МТЖ бош мураббийи
Изоҳ (0)