Ўзбекистон миллий жамоаси дарвозабони Абдувоҳид Неъматов Маtch TV нашри билан суҳбатда жамоа 2026 йилги Жаҳон чемпионати финал босқичига чиқиш учун барча имкониятларини ишга солишини ҳақида гапирди.
— Ўзбекистон терма жамоаси тарихий воқелик – Жаҳон чемпионатига чиқишга жуда яқин. Интизорлик билан кутяпсизми?
— Худо хоҳласа, ҳаммаси биз ўйлагандек кетмоқда. Орзумизни амалга оширишга оз қолди. Олдинда яна тўртта ўйин бор, Жаҳон чемпионатига чиқиш учун яхши имкониятга эгамиз.
— Терма жамоангиз Шимолий Америкага сайёҳ сифатида борадими?
— Ҳеч қачон! Биз Ўзбекистон байроғи ва мадҳияси учун курашамиз.
— Ҳусанов “Манчестер Сити”га ўтди. Буни катта трансфер деб ҳисоблайсизми?
— Бу жуда яхши трансфер бўлди. У инглиз клубида ўйнаб кета олишига дарҳол ишонганман. Абдуқодир билан битта жамоада ўйнайман, шу боис сизлардан кўра у ҳақида кўпроқ биламан. Умид қиламанки, Ҳусанов катта юлдуз бўла олади.
— Сизнинг танловингиз қайси — “Реал” ёки “Барселона”?
— “Барселона”, дейди Нематов Маtch TV билан суҳбатда.
Изоҳ (0)