Мадриднинг “Реал” клуби кийиниш хонасида бош мураббий алмашинуви юзасидан фаол муҳокамалар кетмоқда. Бу ҳақда Испаниянинг АС нашри хабар бермоқда.
Манбага кўра, “қаймоқранглилар” футболчилари жамоа бошқарувига Хаби Алонсо келиши учун тайёргарлик кўрмоқда. У клубни тарк этиши кутилаётган Карло Анчелотти ўрнини эгаллаши мумкин.
“Реал” ичкарисидаги манбаларнинг маълумотига кўра, италиялик мутахассис яқинда жамоани тарк этиб, Бразилия терма жамоасига бош мураббий бўлиши кутилмоқда.
Мадрид клуби жорий мавсумда Европа Чемпионлар Лигасидан чорак финал босқичидаёқ чиқиб кетди, шунингдек, Испания Кубоги финалида ҳам мағлубиятга учради. Ҳозирда “Реал” Ла Лигада чемпионлик учун курашни давом эттирмоқда. Аммо Анчелотти шогирдлари мусобақа турнир жадвалида пешқадам “Барселона”дан битта кам ўйин ўтказган ҳолда 7 очкога ортда қолмоқда.
Изоҳ (0)