“Реал Мадрид” ҳужумчиси Килиан Мбаппе клуб тарихидаги дебют мавсумда урилган голлар бўйича португалиялик ҳужумчи Криштиану Роналдуни ортда қолдирди.
Франциялик футболчи Испания Кубоги финалида “Барселона” дарвозасини ишғол қилиб, жорий мавсумдаги голлари сонини 34 тага етказди. Бу натижа билан у “Реал” тарихида дебют мавсумда 33 тадан гол урган Роналду ва Руд ван Нистелройнинг рекордини янгилаб, ўзига хос натижа қайд этди.
Ҳозирча бу борада энг яхши кўрсаткич Иван Саморанога тегишли бўлиб, у 1992/93 йилги дебют мавсумида 37 та гол киритган эди. Мбаппе Ла Лига доирасидаги қолган баҳсларда яна 4 та гол урса, “қироллик клуби”нинг мутлақ рекордчисига айланиб олиши мумкин.
Маълумот учун, “Реал” Испания Кубоги финалида “Барселона”га 2:3 ҳисобида мағлуб бўлди. Мбаппе 70-дақиқада жамоасининг ўйиндаги илк голига муаллифлик қилди.
Эслатиб ўтамиз, Килиан Мбаппе ўтган йил ёзда “Пари Сен-Жермен” сафидан “Реал”га эркин агент сифатида кўчиб келган эди. У Париж клубида етти йил давомида ҳаракат қилган.
Изоҳ (0)