“Барселона” вице-президенти Рафа Юсте “Реал Мадрид” ҳужумчиси Килиан Мбаппега нисбатан чиқарилган дисквалификация қарорини кескин танқид қилди.
Бундай зарба ва унга берилган дисквалификация – мутлақо бемаънилик. Мбаппенинг ҳаракати жуда хавфли бўлди ва у рақиб футболчисининг жиддий жароҳат олишига сабабчи бўлиши мумкин эди. Бу – шармандалик, – дея Юстенинг сўзларини келтиради Mundo Deportivo нашри.
Аввалига Мбаппега уч ўйинлик дисквалификация берилиши мумкинлиги айтилганди. Агар бу амалга ошса, улардан бири “Барселона”га қарши баҳс бўлиши керак эди. Бироқ якунда Килиан фақат 32-турдаги ўйинини ўтказиб юборадиган бўлди.
Маълумот учун, Ла Лиганинг 31-туридаги “Алавес”га қарши баҳсда мадридликлар ҳужумчиси Килиан Мбаппе тўп учун кураш вақтида рақиб ярим ҳимоячиси Антонио Бланкога нисбатан қўпол ҳаракат ишлатди. Учрашув ҳаками футболчининг ушбу ҳаракатини қизил карточка билан жазолади.
Изоҳ (0)