“Реал Мадрид” ҳужумчиси Килиан Мбаппе “Вильярреал”га қарши ўйинда дубль қайд этиб, клуб тарихидаги афсонавий ҳужумчилардан бири Роналдо Назарионинг рекордини ортда қолдирди. Бразилиялик футболчи Мадрид клуби сафидаги илк мавсумида 30 та гол урган бўлса, Мбаппе 31 марта рақиб дарвозасини ишғол қилди.
Ўйиндан кейин ҳужумчи интервью бериб, бу натижадан хурсанд экани ва “Реал”нинг бошқа аъзоси Криштиану Роналдунинг натижасини ҳам янгилаш ниятида эканини айтди.
Бу натижага эришганимдан хурсандман. Энди кумирим Криштианунинг натижасини ягилашга ҳаракат қиламан. Лекин булар шунчаки рақамлар холос. Голлар уриш муҳим, лекин агар Ла Лига, Қирол Кубоги ва Чемпионлар Лигаси ютмасак, ҳеч нарсага арзимайди Агар мен Роналдо ва Криштианудан кўпроқ гол урсам ҳам, бу мени улардан яхши қилади дегани эмас. Муҳими – жамоага ёрдам бериш ва соврин ютиш, деди Мбаппе Real Madrid TVга берган интервьюсида.
Энди франциялик футболчи Криштиану Роналдунинг қайд этган натижани янгилашга ҳаракат қилади. Португал ҳужумчиси Мадриддаги илк мавсумда 33 та гол урган. Мавсум тугашига анча вақт бор ва Мбаппе яна 2 та гол урса, ушбу натижани янгилаши мумкин.
Маълумот учун, Килиан жорий мавсум “Реал” таркибида 41 учрашувда майдонга тушиб, 31 та гол ва 4 ассист муаллифига айланган.
Изоҳ (0)