“Титаник” кемасида ёзиб юборилган хат аукционда 300 минг фунт стерлингга (350 минг еврога) сотилди. Бу ҳақда Associated Press хабар берди.
Хат биринчи класс йўловчиси Арчибалд Грэйси IV — америкалик сармоядор ва ёзувчи томонидан юборилган. Унинг жияни хатни кимошди савдосига қўйган.
Бу ажойиб кема, лекин унга баҳо беришдан олдин саёҳатимнинг якунланишини кутаман, деб ёзган Арчибалд Грэйси IV кема жўнашидан олдин.
Кимошди савдоси Англиянинг Уилцҳир графлигидаги Henry Aldridge & Son аукцион уйида бўлиб ўтган. Бошланғич нархи 60 000 фунт стерлинг бўлган. Натижада хат беш баравар қимматга сотилган. Харидор америкалик хусусий коллексионер бўлган.
Арчибалд Грэйси IV “Титаник”нинг муздек сувга сакраб омон қолган кам сонли йўловчиларидан бири эди. У тўнкарилган қайиқ устида бўлганида қутқарувчилар томонидан аниқланган.
Нью Йоркка қайтгач, у “Титаник ҳақиқати” китобида ҳалокатни тасвирлаб берган. Шундай қилиб у совқотишдан тузалмай, 1912 йил декабрь ойида вафот этган.
Афсонавий “Титаник” кемаси 1912 йилнинг 14 апрелдан 15 апрелга ўтар кечаси чўккан. Унинг қолдиқлари ҳозиргача Атлантика океани тубида ётибди ва улар ЮНЕСКОга тегишли мерос сифатида рўйхатдан ўтган.
Изоҳ (0)