“Реал Мадрид” ҳужумчиси Килиан Мбаппе жамоадоши Винисиус Жуниорнинг жамоа учун қанчалик муҳимлигини таъкидлаб ўтди. Бу ҳақда футболчи АS нашрига берган интервьюсида айтиб ўтди.
Унинг фикрича, “қироллик клуби”ни Винисиуссиз тасаввур қилиш қийин:
Мен учун “Реал Мадрид”ни Винисиз тасаввур қилиш қийин. Ҳар доим у билан ҳамда жамоамиздаги бошқа футболчилар билан бирга тўп суришни орзу қилганман.
Биз Вини билан майдонда бир-биримизни жуда яхши тушунамиз, буни янада яхшилашимиз мумкин. Биздан кўпроқ нарса кутишади — бу табиий ҳолат.
Пулдан-да қимматли нарсалар бор. Мен “Реал”да ўйнашни, “Сантяго Бернабеу”да майдонга тушишни орзу қилганман. Мен учун энг муҳими — совринлар ютиш. Бу ерда ўйнашимга ҳеч қачон шубҳа қилмаганман. Болаликдаги орзум ушалишини билар эдим, дейди футболчи.
Мбаппе 2024 йил ёзида “Реал Мадрид” сафига қўшилган. Бунгача у “Монако” ва “ПСЖ” жамоаларида тўп сурган ва Франция чемпионатида 7 марта ғолибликни қўлга киритган. “Қироллик клуби” билан эса УЕФА Суперкубогини ютишга эришган.
Жорий мавсумда 26 ёшли футболчи барча мусобақаларда 46 ўйин ўтказиб, ўз ҳисобига 32 та гол ва 4 та ассист ёздириб қўйган.
Изоҳ (0)