Ижтимоий тармоқларда қиз бола севган йигити томонидан калтаклангани ҳақида хабарлар тарқалди. Ҳолат юзасидан Тошкент шаҳар ИИББ изоҳ берди.
Маълум қилинишича, 14 апрель куни тахминан соат 11:50 ларда Мирзо Улуғбек тумани, Мирзо Улуғбек кўчасида, 2003 йилда туғилган С.А. ўзининг таниши 2006 йилда туғилган А.Ж. билан келишмовчилик оқибатида тортишиб қолгани сабабли унга куч ишлатган.
Жанжал вақтида С.А. қизга тан жароҳати етказган. Натижада жабрланувчи шифохонага мурожаат қилган.
Мазкур ҳолат юзасидан Мирзо Улуғбек тумани ИИО ФМБ тергов бўлими томонидан Жиноят кодексининг 277-моддаси (безорилик) билан жиноят иши қўзғатилган.
Тергов ҳаракатлари давом этмоқда.
Тошкентда бир гуруҳ шахслар фуқарога ўйинчоқ тўппонча билан таҳдид қилгани тўғрисида хабар берилганди.
Шунингдек, Тошкентда гул дўконидаги сотувчи қизни бўғиб, яна икки фуқаро билан жанжаллашган эркакка нисбатан жиноят иши қўзғатилганди.
Изоҳ (0)