Toshkent shahar IIBB Mirzo Ulug‘bek tumanida bir guruh shaxslar o‘rtasida sodir bo‘lgan janjal yuzasidan ma’lumot berdi.
Ijtimoiy tarmoqlarda bir nechta fuqarolar o‘zaro janjallashayotgani aks etgan video tarqalib turli muhokamalarga sabab bo‘lmoqda. Qayd etilishicha, 20-iyun tungi soat 00:30 larda Mirzo Ulug‘bek tumanida 26 yoshli Sh.B., 23 yoshli A.K., 33 yoshli O‘.Z., 32 yoshli F.A. o‘zining tanishi — 32 yoshli J.R. bilan o‘zaro janjallashib ketgan va J.R.ni qo‘l bilan urib, tan jarohati yetkazgan. Jabrlanuvchi bosh miya chayqalishi, bosh miya yumshoq to‘qimalari lat yeyishi jarohati bilan xususiy tibbiyot muassasasiga murojaat qilgan. Holatni yashirish maqsadida J.R. tibbiyot xodimlariga o‘zi yiqilib tushganini bildirib, IIOga murojaat qilmagan.
Mazkur holat yuzasidan Mirzo Ulug‘bek tumani IIO FMB huzuridagi Tergov bo‘limi tomonidan Jinoyat kodeksining 277-moddasi (bezorilik) bilan jinoyat ishi qo‘zg‘atilgan. Gumon qilinuvchilar Sh.B. va A.K. protsessual tartibda ushlangan. Qolgan gumonlanuvchilarni ushlash choralari ko‘rilmoqda.
O‘tkazilgan tezkor tadbirlar davomida Sh.B.ning yonidan chiqqan to‘pponcha ko‘rinishidagi olov yondirgich ashyoviy dalil sifatida rasmiylashtirib olingan.
Tergov davom etmoqda, yakuni bo‘yicha qonuniy qaror qabul qilinishi taʼminlanadi.
Eslatib o‘tamiz, 2023-yilda Qashqadaryo viloyatida o‘yinchoq pistoletni mashina oynasidan chiqarib, yo‘l harakati qoidalarini buzgan holda harakatlangan haydovchi javobgarlikka tortilgan edi.
Izoh (0)