Toshkentda gul do‘konidagi sotuvchi qizni bo‘g‘ib, yana ikki fuqaro bilan janjallashgan erkakka nisbatan jinoyat ishi qo‘zg‘atildi. Bu haqda poytax IIBB axborot xizmati xabar berdi.
Qayd etilishicha, 23-iyun kuni taxminan soat 19:30 larda Shayxontohur tumanida istiqomat qiluvchi 40 yoshi X.A. (muqaddam Jinoyat kodeksining 165-moddasi bilan sudlangan) jamiyatda yurish-turish qoidalarini qasddan mensimasdan, Shayxontohur tumaniga gul do‘konlardan birida gul sotuvchisi 21 yoshli X.T. bilan o‘zaro janjallashgan. Shu yerda bo‘lgan 21 yoshli A.T. va 22 yoshli T.I. uni tinchlantirib, janjalni oldini olishga uringan. Biroq X.A.bezorilik harakatini davom ettirib, ularni urib tan jarohati yetkazgan.
Birlamchi tibbiy maʼlumotga ko‘ra, jabrlanuvchilarga yengil tan jarohati yetkazilgan.
Mazkur holat yuzasidan Shayxontohur tumani IIO FMB Tergov bo‘limi tomonidan Jinoyat kodeksining 277-moddasi 3-qismi “G” bandi (bezorilik harakatini oldini olish chorasini ko‘rgan boshqa fuqarolarga qarshilik ko‘rsatib sodir etish) bilan jinoyat ishi qo‘zg‘atilgan.
Tergov harakatlari davom etmoqda. Yakuni bo‘yicha qonuniy qaror qabul qilinishi taʼminlanadi, — deyiladi xabarda.
Avvalroq Toshkentda bir guruh shaxslar fuqaroga o‘yinchoq to‘pponcha bilan tahdid qilgani to‘g‘risida xabar berilgandi.
Izoh (0)