2025 йил 13 мартдан бошлаб Тошкент аҳолиси метро ва автобусларда йўл ҳақини нафақат ATTO транспорт картаси, балки Uzum пластик картаси ёки Uzum Bank иловасидаги QR-код орқали тўлашлари мумкин.
Нақдсиз тўловларнинг янги формати Ўзбекистон жамоат транспортини рақамлаштириш бўйича ATTO ва Uzum Bank ўртасидаги ҳамкорликни навбатдаги босқичга олиб чиқди.
Апрель ойининг охиригача Uzum карта орқали тўлов қилинганда, жамоат транспортидаги сафарлар нархи — 1050 сўм кешбекни ҳисобга олган ҳолда — 650 сўмга тушади.
Метро ва автобусларда йўл ҳақини тўлаш учун энди валидаторга Uzum пластик картасини теккизиш ёки Uzum Bank иловасидаги ягона QR-кодни сканерлаш кифоя. Йўловчилар чипта сотиб олиш учун вақт сарфлашмайди ҳамда кундалик харажатларни назорат қилиш қулайлашади. Йўл ҳақи тўланганидан сўнг, кешбек Uzum картага тушади ва уни шу заҳоти янги харидларга сарфлаш мумкин бўлади.
ATTO ва Uzum Bank 2024 йил ноябрь ойида Тошкент метросида йўл ҳақи тўлови учун кешбекни ишга туширди. Дастлабки 3,5 ой ичида пойтахт аҳолиси метродаги сафарлардан 1,5 млрд сўмдан ортиқ пул тежаган. Муваффақиятли синов лойиҳасидан сўнг компаниялар ҳамкорликни кенгайтиришди, бунинг натижасида банк мижозлари нафақат жамоат транспорти учун тез ва қулай тўлов қилишлари, балки йўл ҳақидан пул тежашлари ҳам мумкин.
Келажакда лойиҳа Ўзбекистоннинг бошқа шаҳарларида ҳам кенгайтирилиши мумкин.
Реклама ҳуқуқи асосида.
Изоҳ (0)