Тошкентда метро поезди йўловчилар ҳаётини хавфга қўйиб, очиқ эшик билан ҳаракатлангани акс этган видео ижтимоий тармоқларда тарқалди. Метрополитен маъмурияти ҳолат юзасидан изоҳ берди.
Унда айтилишича,1 февраль куни соат 08:55 лар атрофида “Пахтакор” бекатидан ҳаракатланган 6-сонли ҳаракат таркибининг вагон эшикларидан бирида носозлик кузатилган.
Шу сабабли ҳаракат таркиби кейинги бекатга етиб келиб, машинист томонидан текширилганда вагон эшигининг ариқчасига йўловчилардан бирининг ручкаси тушиб қолгани аниқланган ва бу вагон эшиклари ёпилишига тўсқинлик қилган.
Ҳозирги вақтда ушбу ҳаракат таркиби соз ҳолатда фаолиятини давом эттирмоқда.
Изоҳ (0)