Шавкат Мирзиёев 20 март куни Юнусобод туманида барпо этилган High Town City мажмуаси бориб кўрди.
-mP7Jp-gi.avif)
Президент матбуот хизматининг хабар беришича, давлат раҳбари Тошкент шаҳрида амалга оширилаётган қурилиш ва ободонлаштириш ишлари билан танишувини ушбу савдо мажмуасини кўздан кечиришдан бошлади.
High Town City мажмуаси кенг қамровли бўлиб, савдо ва кўнгилочар маркази, бизнес маркази, меҳмонхона ва замонавий турар жойларни ўз ичига олган. Бунга 510 миллион доллар тўлиқ хорижий инвестиция йўналтирилган.
-JuHxsg_R.avif)
-RhKenZHZ.avif)
-hen503F4.avif)
Давлат раҳбари савдо марказидаги замонавий тижорат ва хизмат турларини кўздан кечирди. 4 қаватли бинода савдо дўконлари, жумладан, машҳур брендларнинг шохобчалари очилган. Ресторан ва кафелар, кўнгилочар ўйингоҳлар, спорт майдонлари, кинотеатрлар эл хизматида. Ер остида автотураргоҳ бор.
-JJtiJVs7.avif)
-5yMdtj7f.avif)
“Бир сўз билан айтганда, бу ерда одамлар савдо қилиши, дам олиши, спорт билан шуғулланиб, вақтини чоғ ўтказиши учун барча шароитлар яратилган. Мажмуа бир кунда 5 минг кишига хизмат кўрсатиш қувватига эга. Унда 1 минг 500 киши иш билан таъминланди”, дейилади хабарда.
Президент мажмуанинг иқтисодий аҳамияти ва аҳоли учун қулайлигини эътироф этиб, инвестор ва тадбиркорларга кўмак бериш бундан кейин ҳам давлат сиёсатининг стратегик йўналиши бўлиб қолишини таъкидлади. Миллий маҳсулотларни брендга айлантириш, уларни ташқи бозорларда таништириш бўйича мутасаддиларга кўрсатмалар берди.
Савдо марказида шинам китоб дўкони ҳам очилган. Шавкат Мирзиёев бу ташаббусни олқишлаб, метро бекатлари, кутиш жойларида ҳам мўжаз китоб дўконлари ташкил этиш мақсадга мувофиқлигини айтди.
-Rs5iglrP.avif)
Давлат раҳбари ўйин майдончасидаги болажонларни кўриб, меҳр-эътиборини изҳор этди.
Бугунги барча саъй-ҳаракатлар мамлакат келажаги учун қилинаётгани, бунинг учун болалар яхши ўқиб, ақлий ва ижодий салоҳиятини ривожлантириб бориши кераклигини таъкидлади.
High Town City мажмуасида яна замонавий уй-жойлар қурилади.
Уй-жойлар лойиҳаси тақдимотига кўра, 1 500 та хонадондан иборат 28 та кўп қаватли уй бунёд этилади. Мажмуа ҳовлиси автомобиллар учун ёпиқ ва яшил ҳудуд бўлади. Болалар боғчаси, ўйин майдончаси, теннис корти, ерости автотураргоҳ ташкил этилади. Мажмуа ҳудуди тўлиқ Wi-Fi билан қамраб олинади ҳамда биноларда шовқинсиз лифтлар ўрнатилади.
Яна бир лойиҳага кўра, Бектемир туманида Чирчиқ дарёси яқинида кўп қаватли уйлар, савдо ва хизмат бинолари қуриш кўзда тутилган. Бунинг натижасида туманда урбанизация жадаллашиб, янги марказ пайдо бўлади.
Изоҳ (0)