Ijtimoiy tarmoqlar orqali “Toshkent metropolitenining ‘Mustaqillik maydoni’ bekati tomon harakatlanib kelgan poyezdda yong‘in chiqdi” mazmunidagi xabarlar tarqaldi. “Toshkent metropoliteni” DUK holatga izoh berdi.
Unga ko‘ra, 24-iyun sanasi soat 14:50 lar atrofida “Paxtakor” bekatidan “Mustaqillik maydoni” bekati tomon harakatlangan 23-sonli harakat tarkibining vagonlaridan birida texnik nosozlik holati aniqlangan. Ammo ushbu harakat tarkibida hech qanday yong‘in yoki qisqa tutashuv holati kuzatilmagan.
Tegishli yo‘riqnomaga asosan, yo‘lovchilar va harakat xavfsizligini taʼminlash maqsadida, yo‘lovchilar bekatga tushirilgan. Shundan so‘ng harakat tarkibi kuzatilgan nosozlikni bartaraf etish uchun texnik tekshiruv yo‘lagi tomon yuborilgan. Hozirgi vaqtda yo‘nalishda barcha poyezdlar belgilangan jadval asosida harakatlanmoqda.
Izoh (0)