Бухоро вилоятининг Ромитан туманида нефть маҳсулотларини тарқатиш талабларига риоя этмаган АЁҚШга нисбатан 218,8 млн сўм миқдорида жарима қўлланилди. Бу ҳақда “Ўзэнергоинспекция” матбуот хизмати хабар берди.
Маълум қилинишича, “Т.А.А.” МЧЖга қарашли АЁҚШда нефть маҳсулотларини тарқатиш талабларига риоя этилиши юзасидан ўрганиш ўтказилди.
Ўрганиш давомида ушбу АЁҚШ ёнилғи тарқатиш устунларининг навбатдаги давлат қиёслов кўригидан ўтказиш муддати ўтганлиги аниқланди.
Текширув якунида ушбу АЁҚШга реализация қилинган 49 352 литр автобензин ва дизель миқдорининг 50 фоизи (218,8 млн сўм) миқдорида иқтисодий санкция қўлланилди.
2025 йилнинг февралида Андижон вилоятида фаолият юритувчи 18 та хўжалик юритувчи субъектлар сифатсиз бензин ортидан 128 миллион сўмга яқин даромад қилгани аниқланганди. Ўша ойда Бухоро вилоятидаги 47 та автомобилга газ тўлдириш шохобчаларига нисбатан рақобатга қарши тил бириктиришлар юзасидан тегишли чоралар кўрилганди. Март ойида Бухорода ишламаётган заправкада 430 тоннадан ортиқ Аи-80 бензини ноқонуний сотилгани аниқланганди.
Март ойида эса Тошкент ва Самарқанд вилоятида сифатсиз бензин сотган заправкаларга чора кўрилган эди.
Изоҳ (0)